Foydali qazilmalarni boyitish va qayta ishlash asoslari

Ushbu darslik “Foydali qazilmalarni boyitish va qayta ishlash asoslari” fanining o‘quv dasturi asosida tuzilgan bo‘lib, unda foydali qazilmalar va ularning tasnifi, boyitishning texnologik ko‘rsatkichlari va sxemalarining turlari, ma’danlarni boyitish va qayta ishlashga tayyorlash, flotatsiya, gravitatsiya, magnit, elektr, kimyoviy va maxsus usullarda boyitish hamda yordamchi jarayonlarning nazariy asoslari va jarayonlarning samarali kechishi uchun ta’sir qiladigan omillar to‘g‘risidagi ma’lumotlar to‘plangan. Ushbu jarayonlarda ishlatiladigan uskunalarning turlari, tuzilishi, ishlash tamoyillari va ishlatish qoidalari to‘g‘risida batafsil tushunchalar berilgan.

Darslik konchilik sohasiga oid barcha mutaxassisliklarda tahsil olayotgan bakalavriat talabalari va magistrlari, muhandislik maktablari tinglovchilari hamda ushbu sohada ishlaydigan muhandis texnik xodimlar va ilmiy izlanuvchilar uchun mo‘ljallangan.